منقول عن ظابط شرطة:

منقول عن ظابط شرطة:::
وقفوني في الشارع سألونى انت مين و شغلانتك ايه؟؟؟؟...... قولت أنا ظابط ......
قالولى هههههه ظابط !!؟؟ قولت أأأأه أيوه أنا ظابط قالوا طب و لسه ليك عين و بترد بصوت عالي تقول أنا ظابط وواثق في نفسك كده ليه؟؟.. يعني هى خلاص البلد من غيركوا باظت !!قولت أه باظت ...لما أهلي و أهلك يبقوا في الشارع ليل نهار ..... لما الرعب يدخل كل دار ...... لما... في الفوضى و الخراب تقول أشعار ..... تبقى باظت.. لما تخاف تغفل عينك شوية...... لما تجري علي صريخ دي و دية ....
لما أشوف الناس مرعوبين واقفين قدام بيوتهم في عز البرد متكتكين .... تبقى باظت....
قالوا طب و لما انت كده زعلان و محروق و في عنيك نظرة صعبنين عليه..... طب سبتوها و مشيتوا ليه في الظروف ديه ؟؟؟
قولت أنا يا سلام يعني هو أنا دمي حلال لو طولتوني تموتوني .... ودمكوا لما أدافع عن نفسي و عن عساكر غلابه يبقى حرام عليه يااااااااااه صعبة أوي المعادلة ديه ....... ما أنتوا في وسطكوا أهلي و أصحابي و لا أنا يعني يهودي و لا انجليزي و لا مش من البلد ديه ؟؟؟
سكتوا ليه ما ترودوا عليه.. بس قبل ما ترودوا فكروا شويه ....... اللي بيعمل كده فيه و فيكوا أكيد ايد خفيه لما في كل مكان تلاقى بلطجية.. لما تحلق علي اللي يقلق من نظرتك ..... و تفتش كل عربية رايحة و جاية ....... لما مساجين هربوا من زنازين كانت أبية يبقى أكيد في ايد خفيه ....... طب ليه بتحاسبوني أنا على الغلطة ديه و أنا مالي و مال زعيم عصابة و شيخ منصر معندوش و لا دين و لا قلب للدرجة ديه مسمعتوش عن ظباط ماتوا في السجون ولا الحقايق خلاص عن العيون مخفيه مسمعتوش عن 1200 ماتوا ما بين ظابط و عسكري و أمين ولا دول كمان مالهمش ديه مالهمش أهل و عيال ولا ده ذنبهم ولاد كلب ليه يشتغلوا الشغلانه ديه.. ظابط ؟؟؟ أيوه أنا ظابط ... باظت ؟؟؟أه من غيري باظت علي فكرة ده مش غرور ..... ولا أنا حاورتجى بالكلام بلف و أدور بصوا حواليكوا شوية فكروا حبه بعقلكوا و بلاش الشماتة ديه غلط مننا كتير أيوه في ناس غلطوا ....... بس اللي غلط يتحاسب مش الكل يشيل ليلته أصل مش كله سفاحين ولا كفار و الرك على النية ....... و أكيد في ناس خايفة عليك في بيتك ...... أكيد في ناس قلبها عالبلد ديه ظابط ؟؟؟.... أيوه أنا ظابط ...... باظت ؟؟؟؟ أه من غيري باظت